«Ոչ թե ռեստավրացիոն բարեկարգում է, այլ փնթիագույն շինարարություն»․ Էդուարդ Հայրումյան

Ակտիվիստ Էդուարդ Հայրումյանի ֆեյսբուքյան գրառումը․ «Ծիծեռնակաբերդի հուշահամալիրի տարածքում և հենց հուշարձանի վրա չի իրականացվում ռեստավրացիոն բարեկարգում, այլ իրականացվում է փնիագույն շինարարություն։
Այս աշխատանքների համար հատկացվել է 800 միլիոն դրամ ու սովորական տենդեր հայտարարելու լոգիկայով վստահվել է մի շինարարական կազմակերպության, որը չունի հուշարձանի վերանորոգման մասնագետ և երբևէ պետական նշանակության հուշարձանի վերանորոգման փորձ։
Մինչ հուշահամալիրի մույթերը քանդելն այս կազմակերպությունն իբրև ոռոգման համակարգ է անցկացրել տարածքում, ու ես մանրամասն ցույց եմ տալիս թե ինչպես են ավերել այդ բոլոր խողովակների անցկացման հատվածները։
ԵՎ չմոռանանք, որ սա այն նույն կազմակերպությունն է, որի մոտ չի հաջողվել առաջին փորձից «վերանորոգել» Փակ Շուկայի գետնանցումը և Նոր Հաճնի կամուրջը»։