«Հայաստանի համար Թեհրանի լոյալությունը կենսական է». Գոռ Աբրահամյան

ՔԿ նախագահի նախկին մամուլի քարտուղար Գոռ Աբրահամյանի ֆեյսբուքյան գրառումը․ «Հարավային Կովկասում Հայաստանի համար որևէ տնտեսական կամ անվտանգային նախագիծ չի կարող գործունակ լինել՝ առանց Իրանի կառուցողական մասնակցության։ Հայաստանը կարող է տնտեսական համաշխարհային կենտրոնների համար կոմունիկացիոն հետաքրքրություն ներկայացնել հատկապես ու առաջին հերթին Իրանի հետ իր աշխատող ենթակառուցվածքների գործարկելիությամբ։ Այս առումով, Հայաստանի համար Թեհրանի լոյալությունը կենսական է․ դրա կորուստը լուրջ հարված կհասցնի Հայաստանի սուբյեկտայնությանը։ Հենց այս պատճառով է, որ Երևանը ստիպված է ատամները սեղմած, առավել ինտենսիվ կուլիսային աշխատանք իրականացնել շահառու մյուս խաղացողների, նաև՝ Իրանի հետ, Սյունիքով անցնող հաղորդակցությունների վերահսկման այնպիսի մոդելներ ձևավորելու համար, որոնք չեն վնասի Թեհրանի հետ հարաբերություններին, բայց և չեն անտեսի Հայաստանի անվտանգային և ապաշրջափակման մարտահրավերները»։