Սեպտեմբերի 2-ին Արցախի Հանրապետության անկախության հռչակման օրը նախատեսված միջոցառումներ

Արցախցի իրավապաշտպան Նարե Սիմոնյանը ֆեյսբուքյան իր էջում գրել է. «Վաղը՝ սեպտեմբերի 2-ին Արցախի Հանրապետության անկախության հռչակման օրը, նախատեսված միջոցառումներն են.
- Ժամը 10:00-ին, «Եռաբլուր» զինվորական պանթեոնում տեղի կունենա «Արցախի կանչը» հուշահամալիրի բացման արարողությունը։
Այս հուշակոթողը կանգնեցվում է Արցախի ազատության համար նահատակված մեր հերոսների, հայրենի հողում հանգչող մեր հարազատների, ինչպես նաև սեպտեմբերի 25-ի ողբերգական պայթյունի անմեղ զոհերի հիշատակին։
- Սեպտեմբերի 2-ին ՀՅԴ Հայաստանի Գերագույն մարմնի նախաձեռնությամբ Երևանում տեղի կունենա «Արցախ․ չկարգավորված հակամարտություն, վերադարձի իրավունք» խորագրով միջազգային խորհրդաժողովը։
Սեպտեմբերի 2-ին՝ ժամը 18:30-ին, Ազատության հրապարակում կկազմակերպվի միասնության մեծ հանրահավաք՝ նվիրված Արցախի Հանրապետության օրվան:
14:30-ին, առաջին ատյանի դատարանի Ավան նստավայրում (Գյուլիքեխվյան 20) տեղի կունենա քաղբանտարկյալ Միքայել արքեպիսկոպոս Աջապահյանի շինծու դատավարության (գուցե վերջին) նիստը:
Արցախի անկախության օրվա հետ այս գործընթացը չնայած կապ չունի, կարծում եմ՝ Արցախի դավաճանական հանձնման ու ուրացման հետ կապն ակնհայտ է:
Կհանդիպենք»: