«Իշխանությունները փորձել են խոչընդոտել միջոցառումը՝ ասելով Ալիևը կջղայնանա». Արթուր Վանեցյան

«Իշխանություններն այսօր փորձել են խոչընդոտել այս միջոցառման անցկացումը: Սկզբում բանավոր ասել են՝ չգաք, բացումը չանեք, հետո ասել են՝ ուժ ենք կիրառելու, բայց հետո երևի հասկացել են, որ նման քայլի գնալը շատ սխալ կլինի իրենց կողմից, փոքր վատություն են արել, լույսերն են անջատել, չեն թողել բարձրախոսներ տեղադրենք»,- «Արցախի կանչը» հուշահամալիրի բացման արարողությունից առաջ, լրագրողների հետ զրուցում, ասաց «Հայրենիք» կուսակցության ղեկավար Արթուր Վանեցյանը՝ հավելելով. «Ուղիղ տեքստով ասում են՝ Ալիևը կջղայնանա»: