«Փրկե՛ք ինձ ինտելեկտի խոշտանգումից»․ Միքայել Սրբազան

«Ես որևիցե բան չեմ խնդրում երբեք, այդ հույսը թող որևիցե մեկը չփայփայի, որ ես կխնդրեմ ինչ-որ ազատություն, ես ազատ եմ»,- այսօր ընթացող դատական նիստի ժամանակ այս մասին հայտարարեց Շիրակի թեմի առաջնորդ Միքայել Սրբազան Աջապահյանը։

«Բայց ես ուզում եմ մի բնորոշում տալ․ երբ որ մեղադրող կողմը խոսում է, իմ ինտելեկտը խոշտանգվում է։ Արդեն 7-րդ նիստն է՝ ես ինտելեկտի խոշտանգման մեջ եմ։ Փրկե՛ք ինձ այս ինտելեկտի խոշտանգումից։ Հիմա ասում են՝ նոր մեղք է գործել։ Ցմահ դատե՛ք, պրծե՛ք»,- նշեց Միքայել Սրբազանը՝ դիմելով դատավորին։