«Ես շատ հիասթափված եմ Պուտինից». Թրամփ

1666

Երեքշաբթի, 02 սեպտեմբերի, 2025 թ., 22:39

ԱՄՆ-ի նախագահ Դոնալդ Թրամփը հայտարարել է, որ շատ հիասթափված է իր ռուս գործընկեր Վլադիմիր Պուտինից՝ Ուկրաինայում շարունակվող մարտական գործողությունների պատճառով։

«Հազարավոր մարդիկ են մահանում։ Ամերիկացիներ չեն մահանում, այլ ռուսներ, ուկրաինացիներ են, և նրանք հազարավորներ են, և սա անիմաստ պատերազմ է, որը երբեք չէր լինի, եթե ես նախագահ լինեի, և դա ինձ ավելի է անհանգստացնում, քանի որ ընտրությունները լիովին կեղծվել են, և դա ամոթ է։ Կտեսնենք, թե ինչ կլինի, բայց ես շատ հիասթափված եմ նախագահ Պուտինից։ Ես կարող եմ դա ասել, և մենք ինչ-որ բան կանենք՝ մարդկանց օգնելու՝ ապրել։ Խոսքն Ուկրաինայի մասին չէ։ Խոսքը մարդկանց օգնելու մասին է»,- ամերիկյան լրատվամիջոցներին ասել է ԱՄՆ-ի նախագահը։

Նրա խոսքով՝ ամեն շաբաթ մահանում է 7000 մարդ, հիմնականում՝ զինվորներ։