Ռուսաստանում ներկայացվել է Ջովաննի Ֆրանչեսկո Բարբիերիի` կորած համարվող «Մադոննան մանկան հետ» կտավը

Պուշկինի թանգարանը ներկայացրել է նկարիչ Ջովաննի Ֆրանչեսկո Բարբիերիի (որը հայտնի է որպես Գուերչինո), «Մադոննան մանկան հետ» կտավը, որը կորած էր համարվում։ Այս մասին հայտնել է մշակութային հաստատության մամուլի ծառայությունը։

Կտավը ներառվել է «Պուշկինի թանգարանի նոր գլուխգործոցներ» նախագծում, որը նվիրված է թանգարանի հավաքածուում վերջերս ձեռք բերված աշխատանքներին։ Մամուլի հաղորդագրության մեջ նշվում է, որ կտավը պատկանում է Գուերչինոյի ստեղծագործության հասուն շրջանին։

«Դիեգո Վելասկեսը Գուերչինոյի ստեղծագործության մոլի երկրպագու էր, որը բոլոնեզացի վարպետին համարում էր ականավոր գունանկարիչներից մեկը։ Ռուս նկարիչների շրջանում նրա աշխատանքները բարձր է գնահատել Ալեքսանդր Բենուան»,- հավելել է թանգարանը։