«Տարածքային կառավարման նախարարությունը և Տավուշի մարզպետարանն իրարից անտեղյակ են». Ոսկան Սարգսյան

Լրագրող Ոսկան Սարգսյանի ֆեյսբուքյան գրառումը. «Տարածքային կառավարման նախարարությունը և Տավուշի մարզպետարանն իրարից անտեղյակ են
Տարածքային կառավարման և ենթակառուցվածքների նախարար Դավիթ Խուդաթյանին օգոստոսի 18-ին հետևյալ հարցումն եմ կատարել․ «2024թ․ մայիսի 27-ի ջրհեղեղից քանդվել են միջպետական ավտոճանապարհի Դիլիջան-Իջևան հատվածի եզրերի շատ տեղեր։ Ե՞րբ են դրանք նորոգվելու, 2025 թվականի պետբյուջեով որքա՞ն գումար է հատկացված այդ նպատակով։ Տարածքային կառավարման և ենթակառուցվածքների նախարարի տեղակալ Ա․ Վարդանյանի ստորագրությամբ պատասխանում նշված է․ «Մ4, Երևան-Սևան-Իջևան-ՀՀ սահման միջպետական նշանակության ավտոճանապարհի Դիլիջանից մինչև Հ-30 ավտոճանապարհի հետ հատման կետ հատվածում ջրհեղեղի հետևանքով ողողված և փլուզված 10 տեղամասերի վերակառուցման աշխատանքների ձեռքբերման համար առաջիկա օրերին կհայտարարվի կապալային աշխատանքների ձեռքբերման գնման ընթացակարգ։ Նախատեսվում է աշխատանքներն ավարտվել 2026 թվականին»: Նույն հարցումը օգոստոսի 27-ին կատարել եմ Տավուշի մարզպետ Հայկ Ղալումյանին։ Մարզպետարանից պատասխանել են․ «2024 թվականի մայիսի 27-ի ջրհեղեղից քանդված միջպետական ավտոճանապարհի Դիլիջան-Իջևան հատվածի ճանապարհաեզրերի վերանորոգումը կիրականացվի 2025 թվականի 4-րդ եռամսյակում»: Տարածքային կառավարման նախարարությունը Տավուշի մարզպետարանի վերադասն է, սակայն կարծես թե դրանք իրարից անտեղյակ լինեն»: