Երևան-Կապան-Երևան չվերթերը ժամանակավորապես դադարեցվել են

Սեպտեմբերի 2-ին Երևան-Կապան-Երևան ավիաուղղությունը սպասարկող «Նովէյր» ընկերությունը հայտարարել է չվերթերի ժամանակավոր դադարեցման մասին։

«Օդանավը գտնվելու է տեխնիկական սպասարկման մեջ։ Ուղևորների և թռիչքների անվտանգությունը գերակա պահանջ է, որին մենք անվերապահորեն հետևում ենք»,– «Սյունիք» TV-ին ասել է ընկերության ղեկավար Կարեն Վարդանյանը՝ հավելելով, որ օդանավի տեխնիկական սպասարկման համար կարող է պահանջվել մինչև 4 ամիս։

«Ինքնաթիռը միայն 2025 թվականի հունվար – սեպտեմբեր ամիսներին իրականացրել է 95 չվերթ, տեղափոխել 2096 ուղևոր, սա 19 չվերթով ավելի է, քան 2024թ․»,– ասել է ընկերության տնօրենը։