«Ուկրաինան կարող է բարգավաճել` ինչպես Հարավային Կորեան». Զելենսկի

Ուկրաինան կարող է բարգավաճման հասնել Հարավային Կորեայի օրինակով, որը ԿԺԴՀ-ի հետ «իրական խաղաղության պայմանագիր» չի կնքել։ Այս մասին հաղորդում է «Ուկրաինական ճշմարտություն» թերթը՝ հղում անելով Ուկրաինայի առաջնորդ Վլադիմիր Զելենսկիին։

«Զելենսկին կարծում է, որ Հարավային Կորեայի սցենարը կարող է իրականացվել Ուկրաինայում, երբ Կորեական պատերազմի ավարտից հետո ոչ մի իրական խաղաղության պայմանագիր չստորագրվեց, բայց երկիրը կարողացավ բարգավաճման հասնել»,- գրում է թերթը։

Զելենսկին կարծում է, գրում է թերթը, որ քանի դեռ Հյուսիսային Կորեայի ներկայիս ղեկավարությունը մնում է, Հարավային Կորեան լիովին պաշտպանված չի լինի։

Մինչ այդ քաղաքագետ Բորիս Մեժուևը հայտարարել էր, որ Ուկրաինայում հակամարտության կարգավորման «կորեական սցենարը» ճգնաժամի լուծման միակ իրական տարբերակն է։