«Հին Խնձորեսկն» արդեն հատուկ կարգավիճակ ունեցող պետական հնավայր է»․ Հարություն Վանյան

ՀՀ ԿԳՄՍՆ հուշարձանների պահպանության վարչության պետ Հարություն Վանյանի ֆեյսբուքյան գրառումը․ «Մոտ մեկ տարի առաջ «ՀայքՆյուզ» լրատվականը հրապարակել էր «Մխիթար Սպարապետի գերեզմանը լքված ու անմխիթար վիճակում է. պատմական հերոսներին գնահատել չկարողացող ազգը չի կարող նոր հերոսներ ծնել, չի կարող նոր հաղթանակներ ունենալ» վերնագրով հոդված:
Հաջորդ օրը եղավ մեր արձագանքը՝ խոստումով, որ «Մեկ տարի անց, երբ այցելեք Մխիթար Սպարապետի գերեզմանատուն, դուք բոլորովին այլ պատկեր կտեսնեք»:
Այսօր արձանագրում ենք՝
«Հին Խնձորեսկը» արդեն հատուկ կարգավիճակ ունեցող պետական հնավայր է, որն ունի հաստիքային աշխատակիցներ:
Մխիթար Սպարապետի և հարակից մոտ 50 տապանաքարերը մաքրված են մամուռներից, տարածքը բարեկարգված է, որոշ տապանաքարեր ազատված են հողաշերտից և ուղղված:
Թեև հոդվածում նշում եմ, որ հարակից Անապատը պետական ծրագրերում չկա՝ բարերարի աջակցությամբ այն նույնպես հնարավոր է եղել մաքրել մացառներից ու բարեկարգել:
Մեծ շնորհակալություն ՀՀ ԿԳՄՍ նախարարություն Պահպանության Ծառայություն ՊՈԱԿ գործընկերներիս՝ հետևողական, շարունակական ու կարևոր աշխատանքի համար»։