«Ի՞նչ կապ ունեք ոլորտի հետ, որ նախարար եք նշանակվել»․ հարց՝ Արսեն Թորոսյանին

«Ոլորտի հետ կապ ունեմ այնքանով, որ նշանակվել եմ նախարար, որը քաղաքական պաշտոն է։ Ոլորտին ծանոթ եմ եղել նաև իմ նախկին տարբեր կարգավիճակներում և ավելի կծանոթանամ հիմա»,- ճեպազրույցի ժամանակ ասել է Աշխատանքի և սոցիալական հարցերի նորանշանակ նախարար Արսեն Թորոսյանը՝ ի պատասխան հարցի, թե «ի՞նչ կապ ունեք Աշխատանքի և սոցիալական հարցերի ոլորտի հետ, որ նախարար եք նշանակվել»։

«Ես չեմ կարծում, որ Աշխատանքի և սոցիալական հարցերի նախարարը պետք է լինի անպայման աշխատանքի և սոցիալական հարցերի մասնագետ»,- հավելել է Թորոսյանը։