«Տոկիոյի փողոցներում ո՛չ աղբաման կա, ո՛չ աղբ»․ Նիկոլ Փաշինյան

«Տոկիոյի փողոցներում աղբարկղ, աղբաման հասկացություն չկա։ Ըստ էության՝ գրեթե աղբ էլ չկա, այսինքն՝ ոչ աղբաման կա, ո՛չ աղբ կա»,- այս մասին ֆեյսբուքյան իր էջում հայտնել է Նիկոլ Փաշինյանը՝ հրապարակելով տեսանյութ։

«Պարզվում է՝ Տոկիոյում ամեն մարդ ինքն է պատասխանատու փողոցում կենսագործունեության ընթացքում ձևավորված աղբի համար։

Տեսա, որ փողոցում աշխատող մարդիկ կան, ովքեր իրենց հետ ունեն փոքր տոպրակներ, որոնց մեջ դնում են աղբը։ Չգիտեմ՝ քաղաքային իշխանություններին ինչպես է դա հաջողվել, դա առանձին հետազոտության առարկա է, բայց փաստն այն է, որ Տոկիոյի փողոցներում աղբաման չկա և աղբ էլ չկա շատ»,- նշել է Փաշինյանը։