«Հույս ունեմ՝ այս ձգձգվող աբսուրդը վաղը կավարտվի»․ Ռուբեն Մելիքյան

Փաստաբան Ռուբեն Մելիքյանը ֆեյսբուքյան էջում գրել է․ «Վաղը՝ սեպտեմբերի 5-ին, ժամը 17:30-ին Աջափնյակի դատարանում (հասցե՝ Նազարբեկյան 40) տեղի կունենա «Սթրայքբոլի գործով» մեղադրյալ, Հայաստանում ամենաերիտասարդ քաղբանտարկյալ Անդրանիկ Չամիչյանի բանտային կալանքը երկարացնելու՝ քննիչի միջնորդության քննությունը։
Զարմացած եմ, որ նման միջնորդություն է ներկայացվել, և մեծ հույս ունեմ, որ որպես զավեշտ սկսված այս ձգձգվող աբսուրդը վաղը կավարտվի։ Մեծ հույս ունեմ, որ վաղը դատարանը կկատարի մարդու իրավունքների երաշխավորի, կամայականության դեմ «վերջին ՊԱՏՎԱՐ»-ի իր առաքելությունը։
Դատական նիստը դռնփակ է»։