«Բա ե՞րբ եք այս ակվարիումների մեջ ձկներ լցնելու»․ Արմենակ Դանիելյան

Երևանի «Մայր Հայաստան» խմբակցության անդամ Արմենակ Դանիելյանի ֆեյսբուքյան գրառումը՝ կից տեսանյութով․ «Վճարիր 150 դրամ և երթևեկիր ակվարիումում, թե՞ ակվարիումով։ Լավ, դա էական չի, էականը ռոմանտիկան ա ու էգզոտիկան, էականը բացառիկ ա ու կրեատիվ, էականը ֆանտաստիկ ա ու չկրկնվող։
Բաա ժողովուրդ ջան, սենց բան Եվրոպաներում չեք տեսնի, սենց բան սկի Դուբայում չկա, իսկ մեր մոտ կա՝ ակվարիում ավտոբուս կամ ավտոբուս ակվարիում։ Լավ, դա չի կարևորը, կարևորը նա է, որ սենց բան նախկինների ժամանակ չի եղել, սա աննախադեպ ա։ Բռավո Երևանի ավտոբուս ՓԲԸ, որ մտածում եք ձեր ուղևորների, մեր քաղաքացիների հարմարավետության և հաճելի տեսարաններով ուղևորության մասին։
Երևանի քաղաքապետարան, բա ե՞րբ եք էս ակվարիումների մեջ ձկներ լցնելու, որ մարդկանց ուղևորությունը էլ ավելի հաճելի դառնա։
Հ. Գ.
Էն հասարակական կարգի պահապան տղերքին ասեք թող հետները ջուր վերցնեն, էս մի ակվարիումի ջուրը պակասել ա»։