«Հանրային տրանսպորտի մասնակցությամբ վթարների մեղավորը քաղաքապետարանն է»․ Սևակ Հակոբյան

Լրագրող, խմբագիր Սևակ Հակոբյանի ֆեյսբուքյան գրառումը․ «Նկատե՞լ եք, թե ինչքան են շատացել Երևանում հանրային տրանսպորտի մասնակցությամբ վթարի դեպքերը։ Վստահ եմ՝ քաղաքապետարանը հազար հիմնավորում կունենա, որ իր մեղքը ցրի․ բայց իմ կարծիքով՝ գլխավոր մեղավորը իրենք են՝ սխալ վարորդների ընտրությամբ։
Ես աշխարհի ամենաքիչը ազդանշան տվող վարորդներից եմ։ Սիգնալ տալիս եմ միայն ծայրահեղ անհրաժեշտության դեպքում, մեկ էլ էն ժամանակ, երբ հանդիպում եմ Նիկոլի շարասյանը (դա էն վանկարկումների սինգանլից է, որը բոլորդ գիտեք)։
Բայց վերջին մի քանի ամիսներին կանգառների մոտով անցնելիս, ավտոբուսի հետևից գնալիս, կողքով անցնելիս բավականին հաճախ ազդանշան եմ տալիս, որովհետև ինձ թվում է, որ ղեկին ոչ թե վարորդ է այլ ․․․ վիրավորական բառ չեմ ուզում գրել։ Դրանք որ նստում են մեր ավտոմեքենաներից չափերով մի քանի անգամ մեծ փոխադրամիջոցի ղեկին, գիտեն, թե ոնց ուզում են կարող են քշել»։