«Էս ի՞նչ ֆոկուս եք անում»․ Վահան Բաբայան

Ռեֆորմիստների կուսակցության նախագահ Վահան Բաբայանի ֆեյսբուքյան գրառումը․ «Նոր հրապարակվեցին Gallup-ի իբր հարցումները, սա լրիվ նոնսենս էր
Նախ էդ ո՞նց եղավ, որ Նիկոլի ռեյտինգը միշտ ամենաբարձրն է, կամ այնպիսի կուսակցությունների անուններ են հայտնվում այդ հարցումներում, որ ծիծաղդ գալիս է: Նույնիսկ քաղաքական շրջանակներում անհայտ կուսակցությունները ո՞նց կարող են շարքային քաղաքացու մոտ ճանաչում ունենան կամ աջակցում, էս ի՞նչ ֆոկուս եք անում: Խոսքը ամենևին միայն իմ կամ մեր կուսակցության մասին չէ:
Կարող եմ թվարկել տասնյակ կուսակցություններ, որ ժողովուրդը ճանաչում է ու հաստատ էդ ձեր անհայտ «բաժանորդներից» շատ տոկոս կունենան: Օրինակ, անկախ թվարկածս մարդկանց նկատմամբ իմ ունեցած վերաբերմունքից, եկեք օբյեկտիվ նայենք՝ ո՞ւր են կոմունիստները, Վանեցյանը, Երվանդ Թարվերդյանը, Թևանյան Անդոն, Արման Ղուկասյանը, Սուրեն Պետրոսյանը, Նորիկ Նորիկյանը, Սուրեն Սուրենյանցը ու էլի շատ ուժեր: Թող քիչ ունենան, բայց կունենան չէ՞ թվարկածներիցս ոմանք որոշակի ձայն:
Իսկ միգուցե ֆոկուսը նրանում է, որ իրենց ուզած անհայտներին են այդ ցուցակ մտցնում:
Երկրորդը՝ հարցմանը ներկայացված ընդդիմության հայտնի ուժերի դասավորվածությունը չի կարող իրական լինել: ՀՀԿ-ն հաստատ ավելի շատ աջակցություն ունի, կամ ԲՀԿ-ն: Սա ֆոկուս է, որը չի արտացոլում իրական վիճակը, այլ ընդամենը ցույց է տալիս օրվա իշխանության ցանկությունը»։