Իսրայելը հարվածել է Գազայի բարձահարկ շենքերին

Իսրայելական բանակը հարձակում է սկսել Գազայի կենտրոնական հատվածի վրա, մասնավորապես՝ ավերվել է Մուշթահա բնակելի աշտարակը։

Իսրայելի պաշտպանության նախարար Իսրայել Կացի խոսքով՝ Իսրայելի պաշտպանության բանակը կոչ է արել տարհանել բազմահարկ շենքը նախքան աշտարակին հարվածելը։ Նա այս մասին գրել է Х սոցիալական ցանցում։

Զինվորականները հարվածները բացատրում են նրանով, որ արմատականները, իբր, բարձրահարկ շենքերը վերածել են «ահաբեկչական ենթակառուցվածքային օբյեկտների», այդ շենքերը հագեցնելով հսկողության տեսախցիկներով, դիպուկահարների և հակատանկային կրակի դիրքերով, դիտորդական և հրամանատարական կետերով։