«Այստեղ իրավաբանություն չկա, ամբողջը քաղաքականություն է»․ Գեղամ Մանուկյան

«Այստեղ իրավաբանություն չկա, ամբողջը քաղաքականություն է, և այն շոուն, որ սարքեցին, իրենք էլ են հասկանում, որ խայտառակություն է․․․ Բայց եթե շեֆը վերևից ասում է, նշանակում է՝ բոլորը կարող են ասել՝ մածունը սև է»,- այս մասին դատարանի բակում լրագրողների հետ զրույցում նշեց ԱԺ «Հայաստան» խմբակցության պատգամավոր Գեղամ Մանուկյանը՝ անդրադառնալով «Սթրայքբոլի գործով» մեղադրյալ 18-ամյա Անդրանիկ Չամիչյանի կալանավորմանը։

«ՀՅԴ երիտասարդական թևի անդամ լինելը խորհրդանշական է․ իր գաղափարական, քաղաքական գործունեությամբ հայրենիքի ծառայությանը պատրաստակամ անձ է և հայտնվել է քրեական միջավայրում»,- հավելեց պատգամավորը։

Նշենք, որ Երևան քաղաքի առաջին ատյանի ընդհանուր իրավասության քրեական դատարանի Աջափնյակի նստավայրում ընթանում է ՀՅԴ անդամ 18-ամյա Անդրանիկ Չամիչյանի գործով դատական նիստը, քննվում է կալանքի երկարաձգման հարցը։