ՆԳՆ-ն՝ Արցախի պետնախարարի մեքենայից գողության դեպքի մասին

ՆԳՆ ոստիկանությունը ձեռնարկում է համապատասխան միջոցառումներ՝ կապված Արցախի Հանրապետության պետնախարար Նժդեհ Իսկանդարյանի մեքենայից գողության դեպքի հետ։

«Քաղաքացու մեքենայից կատարված գողության վերաբերյալ ունենք ահազանգ։ Ըստ նախնական տվյալների, գողացել են մեքենայի հայելիները։ Այս պահին ՆԳՆ ոստիկանությունը ձեռնարկում է համապատասխան միջոցառումներ»,- «Պանորամա»-ին ասել է ՆԳՆ խոսնակ Նարեկ Սարգսյանը՝ պատասխանելով հարցին, Արցախի պետնախարար Նժդեհ Իսկանդարյանի մեքենայից գողության դեպքի մասին ՆԳՆ ոստիկանությունը ի՞նչ մանրամասներ կարող է հայտնել, դեպքի հետ կապված ի՞նչ քայլեր են ձեռնարկվել։