Երեքշաբթի, 21 ապրիլի, 2026 թ.
|
Ստեփանակերտում`   +6 °C

Պուտինը շնորհավորել է Ռուսաստանի հայերի միությանը 25-ամյակի կապակցությամբ

Պուտինը շնորհավորել է Ռուսաստանի հայերի միությանը 25-ամյակի կապակցությամբ
6489
Կիրակի, 07 սեպտեմբերի, 2025 թ., 17:26

Ռուսաստանի նախագահ Վլադիմիր Պուտինը շնորհավորական ուղերձ է հղել «Ռուսաստանի հայերի միություն» համառուսաստանյան հասարակական կազմակերպության 25-ամյակին նվիրված հանդիսավոր միջոցառումների մասնակիցներին և հյուրերին։

«Մեծ մասամբ ձեր կազմակերպության ջանքերի շնորհիվ են իրականացվում նշանակալի մշակութային, կրթական և լուսավորչական նախագծեր, կյանքի են կոչվում երիտասարդական քաղաքականության և երիտասարդ սերնդի հայրենասիրական դաստիարակության ոլորտում կարևոր նախաձեռնություններ»,- ասվում է Կրեմլի կայքում հրապարակված հաղորդագրությունում։

Նախագահը հավելել է, որ վերջին տարիներին Ռուսաստանի հայերի միությունը (ՌՀՄ) միավորել է ամբողջ երկրի հայկական համայնքները։ Պուտինի խոսքով՝ բազմակողմանի և պահանջված գործունեությունը, ինչպես նաև պետական ​​մարմինների հետ արդյունավետ երկխոսությունը զգալիորեն ամրապնդել են կազմակերպության հեղինակությունը։