«Դիլիջանում կոյուղաջրերը լցվում են 9-հարկանի շենքի նկուղը». Ոսկան Սարգսյան

Լրագրող Ոսկան Սարգսյանի ֆեյսբուքյան գրառումը․ «Դիլիջան քաղաքի Գետափնյա 2 շենքն է, որը վերանորոգվել է էներգարդյունավետության ծրագրով։ Բազմաբնակարան, 9 հարկ ունեցող շենքի բնակիչները բողոքում են, որ շենքի կոյուղին խաթարված է, կոյուղաջրերը լցվում են շենքի նկուղը որը սպառնում է քանդել շենքի հիմքերը։ Եղա այդ շենքում, գարշահոտ էր նկուղում, այդ վիճակը զանազան հիվանդությունների բուն է։ Շենքի բնակիչները հայտնեցին, որ Դիլիջանի համայնքապետարանը խողովակներ է բերել, որ մաքրի վնասված կոյուղագիծը, սակայն աշխատանքները կիսատ է թողել։ Այդ շենքի բնակիչ վաստակաշատ նկարիչ, դասախոս Համլետ Ասատրյանն ասաց, որ իր թոռները խուսափում են իրեն Երևանից հյուր գալ, քանի որ վախենում եմ վնասված կոյուղու պատճառով հավաքված բյուր մոծակներից»: