«Ձեզ ոստիկանություն կանչե՞լ են ընդդիմադիրներին ծեծելու համար»․ հարց՝ Ռուստամ Բաքոյանին

«Ձեզ հրավիրվե՞լ են ոստիկանություն կամ Դատախազություն՝ ընդդիմադիրներին ծեծի ենթարկելու համար»,- «ԱրմԼուր»-ի հարցն ուղղված էր ՔՊ-ական պատգամավոր Ռուստամ Բաքոյանին։ Լրագրողը հիշեցրեց, որ օրաթերթը հանցանքի մասին հաղորդում է ներկայացրել գլխավոր դատախազին՝ հուլիսի 8-ին ԱԺ դահլիճում տեղի ունեցած ծեծկռտուքի վերաբերյալ։ Նրա խոսքով՝ Բաքոյանը ևս ծեծկռտուքի կիզակետում է եղել. «Բռնել էիք պատգամավորներից մեկի վիզն ու քաշելով տանում էիք. արարքը չպե՞տք է հետևանք ունենա»,- ասաց լրագրողը: «Ոչ, ինձ չեն կանչել ո՛չ ոստիկանություն, ո՛չ դատախազություն։ Ըստ էության չկա որևէ բան, ինչի համար կարող էին կանչել, եթե կա, ապա կկանչեն»,- պատասխանեց Բաքոյանը։