«Սուշիի արտադրամասն աշխատել է սանիտարահիգիենիկ նորմերի խախտումներով». ՍԱՏՄ

736

Երկուշաբթի, 08 սեպտեմբերի, 2025 թ., 14:54

Սննդամթերքի անվտանգության տեսչական մարմինը ֆեյսբուքյան էջում հայտնում է. «Սննդամթերքի անվտանգության տեսչական մարմնի արագ արձագանքման բաժնի տեսուչների կողմից իրականացված վերահսկողական միջոցառումների արդյունքնում կասեցվել է անհատ ձեռնարկատեր Անդրանիկ Խաչատրյանին պատկանող սուշիի արտադրամասի արտադրական գործունեությունը (Երևան, Արշակունյաց պողոտա):
Պարզվել է, որ արտադրամասն աշխատում է սանիտարահիգիենիկ նորմերի խախտումներով:
Ի մասնավորի՝ արտադրամասի հատակների, պատերի, մակերևույթները պատրաստված չեն եղել անջրանցիկ, հեշտորեն լվացվող, ախտահանվող նյութերից, իսկ սանհանգույցի դուռը բացվել է դեպի արտադրական շինություն:
* Հանձնարարականների կատարման և խախտումների վերացման համար սահմանվել է ժամկետ:
* Շնորհակալություն քաղաքացուն պատասխանատու և պահանջատեր լինելու համար:
* Սննդամթերքի անվտանգության հետ կապված խախտումներ նկատելիս՝ զանգահարեք ՍԱՏՄ թեժ գծին՝ 118»:

Աղբյուրը` ՍԱՏՄ