«Ասում էինք՝ մնացեք, ապրեք ձեր հողում»․ Հրաչյա Հակոբյան

«Էդ տարածք ենք տվե՞լ, երբ որ ճանապարհը վերահսկվելու է ՀՀ օրենքներով, դուք համարում եք, որ էդ ճանապարհը մենք տվե՞լ ենք»,- լրագրողների հետ ճապազրույցի ժամանակ ասաց ՔՊ-ական պատգամավոր Հրաչյա Հակոբյանը՝ պատասխանելով խաղաղության նախաստորագրված համաձայնագրի և Սյունիքով երթուղու մասին լրագրողների հարցերին:
«Արցախը հանձնելու գնով խաղաղությո՞ւն»,- լրագրողի հարցադրումը բարկացրեց պատգամավորին․ «Արցախը գիտե՞ք՝ ովքեր են հանձնել․ էն մարդիկ, ովքեր գնացին, Եվլախում ստորագրեցին... Մենք էլ էինք ասում՝ մնացեք, ապրեք ձեր հողում։ Իսկ հիմա ինչո՞ւ եք ասում՝ ինչու չեք խոսում մեր վերադարձի մասին։ Էն ժամանակ ասում էինք՝ դուրս մի եկեք, ասում էին՝ մեզ չեն թողնում գանք Հայաստան, հիմա եկել են Հայաստան, ասում են՝ չեք թողնում հետ վերադառնանք Արցախ։ Մենք էլ էինք ուզում, որ դուք ապրեք անվտանգ, ասում էինք՝ գնացեք, բանակցեք ադրբեջանցիների հետ, բայց ոչ վերջում հասցնել այն փուլի, որ Եվլախում ստորագրվի Արցախի լուծարման փաստաթուղթը»,- ասել է իշխանական պատգամավորը։