«Խցանումները դարձել են մեր քաղաքի կազմակերպվածության բացակայության ամենաակնհայտ նշանը». Մհեր Կարագոզյան

«Հանրային վերահսկողություն» ՀԿ նախագահ Մհեր Կարագոզյանի ֆեյսբուքյան գրառումը. «Քաղաքի խցանումները վաղուց արդեն պարզապես անհարմարություն չեն․ դրանք դարձել են մեր քաղաքի կազմակերպվածության բացակայության ամենաակնհայտ նշանը։
Ժամանակ, որ պետք է լիներ ընտանիքի, աշխատանքի կամ հանգստի համար, ամեն օր այրվում է անիմաստ կանգառներում։
Խնդիրը ոչ թե մեքենաների քանակն է միայն, այլ՝ թերի պլանավորումը, անհետևողական կառավարումը ու քաղաքացիների ձայնը չլսելը։
Եվ մինչև չլինի համակարգային լուծում, մեր քաղաքը շարունակելու է կորցնել իր ամենաթանկը՝ ժամանակը, համբերությունը և կյանքի որակը։
Հենց այս ամենի համար է պետք պահանջել ոչ թե կիսատ լուծումներ, այլ իրական փոփոխություն՝ ուղղված դեպի հստակ պլանավորում, քաղաքային տրանսպորտի զարգացում և քաղաքացու ձայնի լսում»: