«Պատանեկան սուր տրավմաներով անձինք ընդվզում են ունենում կանանց հանդեպ, ինչն անբուժելի է»․ Մարինե Ֆարմանյան

Փաստաբան Մարինե Ֆարմանյանի ֆեյսբուքյան գրառումը. «Պատգամավոր Թագուհի Թովմասյանին սեռով պայմանավորված վիրավորել է տղամարդու արտաքինով մի պատգամավոր: Միակ լուրն այն է, որ իմացանք նման մարդ կա ԱԺ-ում, որը սնվում է մեր հարկերից: Իսկ Թագուհուն վիրավորող սուբյեկտի արարքը չի զարմացնում. ասա՛, ով է շրջապատդ, ասեմ՝ ով ես դու: Ինչ տեսնում ու լսում են, այն էլ կրկնում են:
Ասում են՝ տղամարդու հագուստ կրող նման անձինք, պատանեկան սուր տրավմաների հետևանքով անթաքույց արգահատանք և հոգեբանական ընդվզում են ունենում կանանց հանդեպ, ինչն անբուժելի է, հետևաբար հանգիստ թողնելով անբուժելին, հարց է առաջանում. մարդու իրավունքների, մասնավորապես՝ կանանց իրավունքներով զբաղվող իրավապաշտպան անձինք (ֆիզիկական կամ իրավաբանական) ասելիք չունե՞ն»: