«Մեզ միշտ թվացել է, թե ռազմավարական գործընկերությունը պսակվելու պես բան է, ուրեմն մի հոգու հետ պետք է անես»․ Նիկոլ Փաշինյան

«Մենք 34 տարվա անկախ պետություն ենք և դեռ նոր պիտի հասկանանք, որ գործընկերությունն ամուսնություն չի, որ գործընկերությունն ընկերություն է․ տարբերությունն այն է, որ եթե դու ամուսնանում ես և ունես մեկից ավելի զուգընկերներ, դու դավաճանում ես, իսկ երբ որ ունես մեկից ավելի ընկերներ, դու նորմալ մարդ ես, և քո ընկերների շրջապատը լայնանում է»,- այս մասին նշեց վարչապետ Նիկոլ Փաշինյանը՝ ԱԺ-Կառավարություն հարցուպատասխանի ժամանակ անդրադառնալով դիտարկումներին, թե՝ «Չինաստան գնալով՝ դավաճանեցիք»։

«Եվ մեր ֆունդամենտալ պրոբլեմն այն է, որ մեզ միշտ թվացել է, թե ռազմավարական գործընկերությունը պսակվելու պես բան է, ուրեմն դա մի հոգու հետ պետք է անես, բայց դա գործընկերություն է, ընկերություն է և արտաքին հարաբերությունները հենց նրա համար են, որ ունենաս շատ ընկերներ»,- պարզաբանեց Փաշինյանը։