Դատավորը Բագրատ Սրբազանի և մյուսների գործով ինքնաբացարկը մերժեց, դատական հաջորդ նիստերի օրեր նշանակեց

Երևանի ընդհանուր իրավասության դատարանի Շենգավիթի նստավայրում ավարտվեց «Սրբազան շարժման» առաջնորդ Բագրատ Սրբազանի և շարժման մյուս 17 մասնակիցների գործով դատական նիստը։ Նիստի ընթացքում գործով մեղադրյալ Վահագն Չախալյանի փաստաբանը դատավոր Կարեն Ֆարխոյանին բացարկի միջնորդություն ներկայացրեց՝ որպես հիմնավորում նշելով այն հանգամանքը, որ դատավորը Չախալյանի կալանավորման ժամկետը երկարացնելու որոշումը կայացրել է առանց պաշտպանների մասնակցության։

Դատավոր Կարեն Ֆարխոյանը մերժեց Վահագն Չախալյանի փաստաբանի կողմից ներկայացված բացարկի միջնորդությունը։ Նա կշարունակի քննել Բագրատ Սրբազանի և «Սրբազան պայքար» շարժման մյուս մասնակիցների գործը։
Հիշեցնենք՝ դատարանը բոլորի կալանքը երեք ամսով երկարաձգել էր, իսկ զոհվածի հայր Արա Ռոստոմյանի նկատմամբ խափանման միջոց էր կիրառել տնային կալանք՝ 3 ամիս ժամկետով։
Դատավորը հերթական նիստի օրեր նշանակեց հոկտեմբերի 2-ը, ժամը 14:00-ն և դրան հաջորդող յուրաքանչյուր հինգշաբթի օրը՝ ժամը 16:00-ն: