«Միայն ժողովուրդն է մնացել, որ խոչընդոտում է իշխանության առջև դրված խնդիրները կատարելուն». Հրանտ Մելիք-Շահնազարյան

Քաղաքագետ Հրանտ Մելիք-Շահնազարյանը դատարանի բակում լրագրողի հետ զրույցում վստահեցրեց՝ ոչ այս դատավորի շնորհիվ, բայց, այնուամենայնիվ, արդարություն լինելու է:
«Լինելու է արդարություն ուշ թե շուտ, բայց ոչ այս դատարանի դահլիճում: Արդարության հասնելու համար ստիպված ենք լինելու երկար պայքարել: Այս իշխանությունը փորձում է ամեն իմաստով կոտրել ժողովրդի մեջքը: Նրանք շատ լավ հասկանում են, որ այն խնդիրները, որ դրված են իրենց առջև, դրանց իրագործման խոչընդոտ մնացել է միայն ժողովուրդը: Ցավոք, ոչ քաղաքական ուժերը, ոչ էլիտարները, ի վիճակի չեն պայքարելու:
Իսկ ժողովրդի մեջքը կոտրում են հատուկ կիրառվող տեխնոլոգիաներով»,- ասաց նա: