«Չի կարելի սպանության հանգամանքը դարձնել սպանվածի գործունեությունն արդարացնելու գործիք». Հակոբ Կարապետյան

Լրագրող Հակոբ Կարապետյանի ֆեյսբուքյան գրառումը․ «Քաղաքական գործունեության պատճառով կյանքից չի կարելի զրկել, խոսքին փամփուշտով չի կարելի պատասխանել ոչ մի պարագայում։ Ու ամերիկացի պահպանողական գործիչ Չարլի Քըրքի սպանությունը ծայրահեղ անընդունելի է։
Սրանով հանդերձ, չի կարելի նաեւ սպանության հանգամանքը դարձնել սպանվածի գործունեությունն արդարացնելու կամ փառաբանելու գործիք։ Այս առումով ահրաժեշտ է իմանալ, որ հանգուցյալ Քըրքը հաճախ էր բարձրաձայն ստում. կեղծիքը, մանիպուլյացիան, դավադրապաշտական տեսություններն ու զանազան խմբերի հանդեպ խտրական հայացքները նրա հանրային կյանքի բնորոշ գծերն էին։
Սա կարեւոր է ասելը, որովհետեւ մեզանում էլ բավական տարածված է՝ զոհի հանդեպ կարեկցանքից դրդված նրա գործունեությունը արդարացնելը։
Միով բանիվ, կարելի է ու պետք է անվերջ դատապարտել բռնությունն ու անկեղծորեն կարեկցել բռնության զոհին (ով էլ որ լինի), աղոթել նրա հոգու հանգստության համար, միեւնույն ժամանակ սթափ գնահատել կենդանության օրոք նրա ասածն ու արածը»։