Չորեքշաբթի, 28 հունվարի, 2026 թ.
|
Ստեփանակերտում`   0 °C

Դոհայի վրա Իսրայելի հարձակումը պատերազմի հայտարարում արաբական և իսլամական երկրներին. ՀԱՄԱՍ

Դոհայի վրա Իսրայելի հարձակումը պատերազմի հայտարարում արաբական և իսլամական երկրներին. ՀԱՄԱՍ
561
Հինգշաբթի, 11 սեպտեմբերի, 2025 թ., 21:02

Դոհայում պաղեստինյան ՀԱՄԱՍ շարժման ղեկավարության վրա Իսրայելի հարձակումը հանդիսանում է պատերազմի բացահայտ հայտարարում բոլոր արաբական և իսլամական պետություններին, ասել է շարժման քաղբյուրոյի անդամ Ֆաուզի Բարհումը։

«Իսրայելի կողմից կատարված հանցագործությունը ոչ միայն հարձակում է Կատարի վրա, այլև պատերազմի բացահայտ հայտարարում է բոլոր արաբական և իսլամական երկրներին, ինչպես նաև սպառնալիք է ամբողջ տարածաշրջանի կայունությանը»,- ասել է Բարհումը։ Նրա ելույթի տեքստը հրապարակվել է ՀԱՄԱՍ-ի Telegram ալիքում։

Նա նաև կարծում է, որ Վաշինգթոնը ներգրավված է պաղեստինյան շարժման ղեկավարության վրա Իսրայելի հարձակման մեջ։

«Մենք հայտարարում ենք, որ ԱՄՆ-ի վարչակազմը հանցակից է այս հանցագործությանը»,- ասել է ՀԱՄԱՍ-ի ներկայացուցիչը։

Նրա խոսքով, այս հարձակումն «ամբողջ բանակցային գործընթացի սպանություն» էր, քանի որ այն իրականացվել է այն ժամանակ, երբ շարժման ղեկավարությունը քննարկում էր ԱՄՆ-ի նախագահ Դոնալդ Թրամփի առաջարկը՝ Գազայի հատվածում զինադադարի մասին։

Շարժման ներկայացուցիչը հայտնել է, որ հարձակման ժամանակ վիրավորվել են Գազայի հատվածում ՀԱՄԱՍ-ի առաջնորդ Խալիլ ալ-Հեյի կինը, նրա հարսը և թոռները։ Բարհումը չի հաղորդել ալ-Հեյիի վիճակի մասին: Շարժման առաջնորդը չի երևացել նաև ՀԱՄԱՍ-ի Telegram ալիքում հրապարակված՝ Կատարում զոհվածների հուղարկավորության արարողության լուսանկարներում։