Կողոպտել են Արագած Ախոյանի եղբոր` գործարար Ստեփան Ախոյանի տունը

Երևանում թալանել են հայտնի գործարար, «Սպիտակ տնակ» ՍՊԸ-- հիմնադրի տունը․ տարել են մեծ քանակի ոսկյա զարդեր, խոշոր չափի գումար և թանկարժեք ժամացույց

Սեպտեմբերի 6-ին խոշոր չափի գողության դեպք է տեղի ունեցել Երևանում։ Ժամը 05։20-ի սահմաններում ՀՀ Ներքին գործերի նախարարության ոստիկանության քրեական ոստիկանության գլխավոր վարչության Երևանի քրեական վարչությունում օպերատիվ տեղեկություններ են ստացվել, որ անհայտ անձը կամ անձինք թալանել են Երևանի բնակիչ 61-ամյա Ստեփան Ախոյանի տունը։

Ինչպես հայտնում է ֆոտոլրագրող Գագիկ Շամշյանը, պարզվել է, որ այդ օրը ժամը 03։30-ից մինչև 05։00 ընկած ժամանակահատվածում անհայտ անձը կամ անձինք մուտք են գործել Արղության փողոցի տներից մեկը և այնտեղից հափշտակել մեծ քանակի ոսկյա զարդեր, խոշոր չափի գումար և «Breguet» ապրանքանիշի ժամացույց։ Աղբյուրի տեղեկություններով՝ թալանված բնակարանի սեփականատերը հայտնի գործարար «Սպիտակ Տնակ» ՍՊԸ-ի հիմնադիր Ստեփան Ախոյանն է, ով Ազգային Ժողովի նախկին պատգամավոր Արագած Ախոյանի եղբայրն է։

Վնասի չափը պարզվում է, սակայն ըստ նախնական տեղեկությունների՝ այն անցնում է 100 հազար դոլարը։
Առավել մանրամասն՝ սկզբնաղբյուրում: