«Այս մթնոլորտում ո՞նց կարելի է ընտրությունների գնալ»․ Էդգար Ղազարյան

Հասարակական, քաղաքական գործիչ Էդգար Ղազարյանը կրկին ԱԺ-ում էր՝ հանդիպելու Տարածքային կառավարման, տեղական ինքնակառավարման, գյուղատնտեսության և շրջակա միջավայրի պահպանության հարցերի մշտական հանձնաժողովի անդամներին։ Թեման Նիկոլ Փաշինյանին անվստահություն հայտնելու գործընթացն էր (իմպիչմենթ)։ Սակայն հանձնաժողովի անդամ Միքայել Թումասյանը նպատակահարմար չգտավ ընդունել նրան։

«Քանի Նիկոլ Փաշինյանը ՀՀ-ում իշխանության ղեկին է, այստեղ ընտրությունը բացառվում է։ Ոնց որ չի եղել ընտրություն 2018-ին, 2021-ին, այնպես էլ չի լինելու 2026 թվականին»,- լրագրողների հետ զրույցում ասել է Ղազարյանը։

Նա ընդգծել է, որ եթե հետապնդման են ենթարկվում կարծիք, տեսակետ արտահայտելու համար, ապա այդ մթնոլորտում ո՞նց կարելի է ընտրությունների գնալ։ «Կարող է հայտարարեն ընտրությունների օր և գնան հերթական իշխանազավթման։ Դրա համար իմպիչմենթի իմաստը այն է, որ մինչև այդ Նիկոլ Փաշինյանին հեռացվի իշխանությունից, որ բարենպաստ միջավայր ստեղծվի բոլոր քաղաքական ուժերի համար, որպեսզի ամեն մեկն ըստ իր հեղինակության ու վաստակի կարողանա հավակնի ժողովրդի վստահությանը»,- նշել է նա։