«Ոչ թե սակուրա տնկել է պետք, այլ քեզնից առաջ ապրած ու արարած մարդկանց հարգել»․ Քրիստինա Վարդանյան

Երևանի ավագանու անդամ Քրիստինա Վարդանյանի ֆեյսբուքյան գրառումը․ «Առավոտյան Կոմիտասի պուրակում հարցազրույցի էի ու ամոթով նայում էի, թե ինչպես չինացիների արտաքինով տուրիստները, մոտեցան մեր ազգի մեծության արձանին՝ կարդալու համար ցուցանակի վրա գրվածը։ Վաստակաշատ Արա Հարությունյանի ձեռքով ստեղծված Կոմիտասի հուշարձանը եզակի աշխատանք է և որտե՞ղ մնաց հարգանքը մեր մեծերի նկատմամբ։
Քաղաքապետարանի և վարձակալի միջև ստեղծված տարիների վեճի արդյունքում, մենք կորցրեցինք պատիվ, հարգանք, քաղաքի սրտում ապրող յուրահատուկ ու սիրված մի փոքրիկ պուրակ…
Տուրիզմ զարգացնելու համար սակուրա տնկել պետք չէ, պետք է քեզանից առաջ ապրած ու արարած մարդկանց հարգես, նրանց ստեղծածը պահպանես, ավելացնես ու խնամքով փոխանցես քեզ հաջորդողին… Չինաստանում, հենց այդպես է»։