«Այս իշխանությունը խոպան է եկել. ժողովրդի հաշվին անխնա վայելում են». Կարինե Հարությունյան

Լրագրող Կարինե Հարությունյանի ֆեյսբուքյան գրառումը․ «Հայաստանի ազգային անվտանգության ծառայությունը ձեռք է բերել KIA K4 նոր մոդելի 7 սեդան։ Պայմանագրի ընդհանուր գումարը կազմում է 73,5 մլն դրամ (մոտ 190 հազար դոլար)։ Ես չեմ ասում, մամուլն է ասում։
Սովետի ժամանակ մարդիկ խոպան էին գնում աշխատանքի, շինարարություն էին անում, լսել եմ, մարդիկ ասում էին, որ աշխատանքը որակով չէին անում՝ թքած ունեին, սեզոնային գործ էր, պիտի հնարավորինս շուտ ավարտեին, փող ստանային, հետ գային։ Դրանից էլ առաջացավ խոպան հասկացությունը՝ ավելի հեշտ ձևով օգուտ ունենալու երևույթը, երբ հոգդ չէ՝ ինչ կլինի քեզանից հետո, դու քո էդ պահի շահի տերն ես։
1988-ի երկրաշարժից հետո իմ ծանոթներից մեկը, որ Սպիտակում էր աշխատում՝ ինչ-որ պաշտոնի էր, ասել էր՝ դե, խոպան ենք եկել։
Հիմա էս իշխանությունը խոպան է եկել․ իրենց փողերը չեն, պետությանն են, թքած, թե հետո ինչ կլինի, էսօր իրենք անխնա վայելեն ժողովրդի հաշվին, գրողի ծոցը, թե էս աղքատ պետության արտաքին պարտքը որքան կավելանա ու ինչի հաշվին, գրողի ծոցը մինչիշխանական ժամանակի պրոժողովրդական բոլոր ելույթները։ Համ էլ ինչ անում էին, էսօրվա համար էին անում, մենակ թե ժողովուրդը միամտաբար հակառակն է հասկացել»։