Թրամփը խոստացել է հետաքննել Սորոսի գործունեությունը

ԱՄՆ նախագահ Դոնալդ Թրամփը Fox News-ին տված հարցազրույցում խոստացել է հետաքննել միլիարդատեր Ջորջ Սորոսի գործունեությունը։ Սպիտակ տան ղեկավարի խոսքով՝ Սորոսը ֆինանսավորել է բողոքի ցույցերն ու երիտասարդության արմատականացումը՝ նպաստելով «ահաբեկչության և ծայրահեղականության աճին»։ «ԱՄՆ-ում գործում են պրոֆեսիոնալ քարոզիչներ, որոնք գումար են ստանում նրանից»,- հավելել է Թրամփը։

Նա նախկինում ևս հայտարարել էր, որ Սորոսի և նրա որդու դեմ պետք է հետաքննություն անցկացվի։