Միջոցառում՝ ԱՄՆ դեսպանատան մոտ՝ ի հիշատակ Չարլի Քըրքի․ ՈՒՂԻՂ ՄԻԱՑՈՒՄ

Ոչ ոք չպետք է զրկվի կյանքից, ազատությունից կամ ենթարկվի հալածանքների միայն այն պատճառով, որ արտահայտում է իր կարծիքը կամ տարածում քաղաքական գաղափարներ։ Երեկ ֆեյսբուքյան էջում գրել էր փաստաբան Ռուբեն Մելիքյանը՝ անդրադառնալով երիտասարդ քաղաքական գործիչ, պահպանողական հայացքների ու քրիստոնեական արժեքների քարոզիչ Չարլի Քըրքի դաժան սպանությանը։
«Պետք է վճռականորեն մերժել քաղաքական խոսքը լռեցնելու բոլոր փորձերը՝ լինի դա փամփուշտով, թե ձեռնաշղթայով, իսկ Չարլի Քըրքի հիշատակը արժանի է ոչ միայն սոցցանցային գրառումների, այլև իրական ծաղիկների ու կենդանի խոսքի»,- ասում է Մելիքյանը, ում նախաձեռնությամբ այս պահին ՀՀ-ում ԱՄՆ դեսպանության մոտ հարգանքի տուրք է մատուցվում Չարլի Քըրքի հիշատակին։