Լոնդոնի հանրահավաքի ժամանակ Իլոն Մասկը կոչ է արել փոխել կառավարությունը և լուծարել Մեծ Բրիտանիայի խորհրդարանը

Ամերիկացի ձեռնարկատեր Իլոն Մասկը, Լոնդոնում կայացած հանրահավաքի ժամանակ առցանց ելույթ ունենալով՝ կոչ է արել փոխել կառավարությունը և լուծարել Մեծ Բրիտանիայի խորհրդարանը։

«Միավորեք թագավորությունը» ծայրահեղ աջակողմյան ակցիան կազմակերպել էր ակտիվիստ Սթիվեն Յաքսլի-Լենոնը, որը հայտնի է՝ որպես Թոմի Ռոբինսոն։ Մասկը նրա հետ զրուցել է տեսակապով և անմիջապես հանրահավաքի ժամանակ, տեսազանգը հեռարձակվել է մասնակիցների համար, որոնց թիվը գնահատվում է ավելի քան 100 հազար։

«Ես կարծում եմ, որ Մեծ Բրիտանիան կարիք ունի կառավարության փոփոխության։ Եվ մենք չորս տարի կամ որքան էլ երկար ժամանակ մնա մինչև հաջորդ ընտրությունները, չունենք։ Դա չափազանց երկար է։ Պետք է ինչ-որ բան անել։ Պետք է լուծարվի խորհրդարանը և անցկացվեն նոր ընտրություններ»,- ասել է Մասկը։