Մեծ Բրիտանիան սահմանափակումներ է սահմանում իսրայելցի ուսանողների նկատմամբ

Բրիտանական իշխանությունները որոշել են հաջորդ տարվանից սկսած չընդունել Իսրայելից ժամանող ուսանողներին հեղինակավոր Պաշտպանության ուսումնասիրությունների թագավորական քոլեջ: Այս մասին հաղորդում է The Telegraph թերթը՝ հղում անելով Մեծ Բրիտանիայի պաշտպանության նախարարության խոսնակին:
Ինչպես ընդգծել է պաշտպանության նախարարության ներկայացուցիչը, որոշումը կապված է Գազայում պատերազմը դիվանագիտորեն դադարեցնելու անհրաժեշտության հետ, ներառյալ անհապաղ հրադադարը, պատանդների վերադարձը և անկլավի բնակչությանը մարդասիրական օգնության ընդլայնումը:

Իսրայելի պաշտպանության նախարարության գլխավոր տնօրեն Ամիր Բարամը այս որոշումը անվանել է «պատերազմող դաշնակցի նկատմամբ խորապես անազնիվ անհավատարմության դրսևորում»:

Հունիսի 10-ին Մեծ Բրիտանիան, Ավստրալիայի, Կանադայի, Նորվեգիայի և Նոր Զելանդիայի հետ միասին, պատժամիջոցներ է կիրառել իսրայելցի նախարարներ Իտամար Բեն-Գվիրի և Բեզալել Սմոտրիչի նկատմամբ՝ Արևմտյան ափին պաղեստինցիների դեմ բռնություն հրահրելու համար: