Կիրակի, 01 նոյեմբերի, 2026 թ.
|
Ստեփանակերտում`   +10 °C

Իսրայելը հայտարարել է, որ Գազայի ամբողջական գրավումը կտևի մի քանի ամիս

Իսրայելը հայտարարել է, որ Գազայի ամբողջական գրավումը կտևի մի քանի ամիս
1700
Երեքշաբթի, 16 սեպտեմբերի, 2025 թ., 22:18

Իսրայելցի զինվորականներին մի քանի ամիս կպահանջվի Գազա քաղաքն ամբողջությամբ գրավելու և ևս մի քանի ամիս՝ այն «մաքրելու» համար։

Ըստ TASS-ի՝ նման մոտավոր ժամկետներ է տվել Իսրայելի պաշտպանության ուժերի պաշտոնական ներկայացուցիչ, բրիգադի գեներալ Էֆի Դեֆրինը։

«Մենք հասկանում ենք, որ ամբողջ քաղաքը գրավելու համար մի քանի ամիս կպահանջվի, և ևս մի քանի ամիս՝ Գազա քաղաքի ահաբեկչական ամբողջ ենթակառուցվածքը մաքրելու համար»,- ասել է նա ճեպազրույցի ժամանակ։

Դեֆրինը ընդգծել է, որ զինվորականներին որևէ ժամանակային սահմանափակում չի տրվել։ «Մենք կգործենք այնքան ժամանակ, որքան անհրաժեշտ է՝ առևանգված մարդկանց տուն վերադարձնելու և Գազայում ՀԱՄԱՍ-ի ռեժիմը ոչնչացնելու համար»,- ասել է նա։

Ավելի վաղ Իսրայելի վարչապետ Բենիամին Նեթանյահուն հաստատել է, որ բանակն սկսել է Գազա քաղաքի վրա նախատեսված լայնածավալ ցամաքային հարձակում։

Կարդացե՛ք նաև