«Եթե պարտադրանքով դեմ է գնացել խղճին, իսկը Նիկոլի սրտի կաթողիկոսի թեկնածուն է»․ Դավիթ Մշեցի

Գրող Դավիթ Մշեցին ֆեյսբուքյան իր էջում գրել է․ «Ես այս հոգևորականին բացարձակ չեմ ճանաչում։ Եթե ընդունենք, որ իր ասածը ճշմարիտ է և իրոք վերադասից պարտադրել են, ապա կստացվի՝ մարդը՝ լինելով հոգևորական, դեմ է գնացել իր խղճին ու սկզբունքներին, որն էլ իր հերթին, եթե շարքային մեկի համար է մեծագույն մեղք, ապա հոգևորականի համար առավել մեծ մեղք է։ Ինձ համար ամեն բան սկսվում է ինքնասիրությունից և արժանապատվությունից. Ցանկացած ոք, ով էս երկու Արարչատուր պայմանը չի պահում իր կյանքում, ինձ համար խլեզ է։
Բայց գանք հարցի մյուս կողմին։ Եթե իրոք էս ամենն էսպես է ու մարդը պարտադրանքով դեմ է գնացել իր խղճին ու սկզբունքներին, ապա կնշանակի իսկը Նիկոլի սրտի կաթողիկոսի թեկնածուն է (չմոռանանք, որ նիկոլն հայտարարել է՝ ինքն է գերագույն գլխավոր իշխանությունը և ով դեմ է իրեն ու իր կարծիքին տեղ չունի)։
Հիմա փաստերով։ Երեխային անգամ պարզ է, որ մեր երկիրը ղեկավարվում է բացառապես բաքվի ու անկարայի կողմից, նիկոլը նրանց հլու կամակատարն է, իսկ նիկոլի ենթակաները՝ բնականորեն՝ նիկոլի։
Հետևապես նիկոլին հոգևոր ոլորտում ևս պետք է մարդ, որ անվերապահորեն կատարի իր, իմա՝ բաքվի ու անկարայի պահանջները։ Արդյունքում վատին հանելով կբերի վատթարագույնին, որը, եթե մի անգամ, իր իսկ պնդմամբ, վերադասի պահանջով դեմ է գնացել իր խղճին ու սկզբունքներին, ապա միշտ պիտի դեմ գնա։ Չի բացառվում, որ վերադասի պահանջով նամազ անել էլ տա ժողովրդին։
Հ.գ. Ինքս Արարչապաշտ եմ, դեմ եմ ցանկացած կրոնի, չեմ ընդունել ու ընդունում ներկայիս կաթողիկոսին ու էլի լիքը բաներ, բայց փաստը մնում ա փաստ. Հայ ժողովուրդը շուտով պարտադրված կլինի նոր կրոն ընդունել ու կընդունի, ինչպես պարտադրաբար հրաժարվեց իր Հայրենիքից ու ընդունեց Իրական Հայաստանը։
Ու էս ամենի մեջ իրենց լուրջ ներդրումն ունեն նախկին իշխանություններն ու եկեղեցին...
Էսքան բան»։