Վաղը Ֆրանսիայում բողոքի զանգվածային ցույցեր են սպասվում

Ֆրանսիայի իշխանությունները զրահապատ մեքենաներ, անօդաչու թռչող սարքեր և ջրցան մեքենաներ կօգտագործեն սեպտեմբերի 18-ին սպասվող զանգվածային ցույցերի ժամանակ, այս մասին հայտարարել է երկրի Ներքին գործերի նախարարի պաշտոնակատար Բրունո Ռետայլոն՝ հավելելով, որ 80 000 ոստիկան կհսկի հասարակական կարգը։
Ավելի վաղ հայտնել էինք, որ հինգշաբթի Ֆրանսիայում սպասվող ցույցերին մասնակցելու են տարբեր մասնագիտությունների ներկայացուցիչներ՝ կրթության, առողջապահության, տրանսպորտի, էներգետիկայի և այլ ոլորտների աշխատողներ։ Ցույցերին, ըստ գնահատականների, կմասնակցի մոտ 800 000 մարդ։ Նրանք դժգոհ են կառավարության վարած տնտեսական քաղաքականությունից: