«Տեր Արամը ծառայում է Փաշինյանին, գուցե հալածանքի տակ է կամ վախերի մեջ»․ Հովնան Սրբազան

Տեր Արամն իր արտահայտություններով ցույց է տալիս, որ ծառայում է Նիկոլ Փաշինյանին, այլ ոչ թե Աստծուն։ Այս մասին «24Նյուզ»-ի հետ զրույցում ասել է Հայ Առաքելական Եկեղեցու Գուգարաց թեմի առաջնոր Գերաշնորհ Հովնան եպիսկոպոս Հակոբյանը։

«Նա հասկացել է՝ ում է ծառայում, ծառայում է Փաշինյանին, ինքը մարդապաշտ է»,- ընդգծել է Հովհան Սրբազանը։

Նրա դիտարկմամբ՝ Տեր Արամը խոսում է բարենորոգչության մասին, բայց հստակ չի ասում խոսքն ինչի մասին է։ «Նա շարունակում է Նիկոլ Փաշինյանի կողմից հեղինակված ծրագիրը․․․ Եղեցեին այն հաստատությունն է, որը շատ հարցերում «խանգարում» է՝ Փաշինյանի «բարենորգչական» ապազգային ծրագրերին։ Պետք է էր մեկը՝ հենց Եկեղեցու ներսից, որը հավանություն կտար այդ ծրագրերին, փորձեցին գտնել այդ անձին, բայց պետք է ասել, որ դարձյալ սխալվեցին, ում որ գտան, այդ անձը չէ, որ պետք է եկեղեցին՝ իրենց կառույցն առաջնորդեր»։

Ըստ Սրբազանի՝ Տեր Արամի վարքագծի հարցը գտնվում է Արագածոտնի թեմի առաջնորդի իրավասության ներքո, որից հետո հարցը կքննվի Մայր Աթոռի կարգապահական հանձնաժողովում։

«Անձ, որ մինչև վերջերս կուրծք էր ծեծում Վեհափառ Հայրապետի պաշտպանության համար, ինչո՞ւ հանկարծ փոխվեց, իմ մտավախությունն այն է, որ այս մարդը գտնվում է ինչ-որ հալածանքի տակ կամ վախերի մեջ, որ չի կարողանում մի բան խոսել, ինչո՞ւ է ասում՝ ինձ ստիպեցին գնալ՝ մասնակցելու հանրահավաքներին, կարո՞ղ է վաղն էլ ասի, որ իրեն ստիպել են այդ գրառումները կատարել, Հանրայինի եթերին գնալ»,- նշեց Հովնան եպիսկոպոս Հակոբյանը։