«Եթե Գոշն իմանար, թե իր անվան մեդալն ում են շնորհում, մի քանի կոշտ բան կասեր»․ Ռուբեն Մելիքյան

Փաստաբան Ռուբեն Մելիքյանը ֆեյսբուքյան իր էջում գրել է․ «Եթե Հայ Առաքելական Սուրբ եկեղեցու մեծ վարդապետ Մխիթար Գանձակեցին (Գոշը) իմանար, թե իր անվան մեդալն ովքե՛ր են շնորհում և ո՛ւմ են շնորհում, ապա իրեն բնորոշ կոշտ գրաբարով հաստատ մի քանի կոշտ բան կասեր։ Վստահ եմ»։

Ավելի վաղ Գլխավոր դատախազությունը հայտնել էր, որ «ՀՀ նախագահի հրամանագրով՝ Անկախության տոնի առթիվ, սահմանադրական կարգի պահպանության, օրինականության և իրավակարգի ամրապնդման գործում ներդրած ավանդի, ինչպես նաև ծառայողական պարտականությունները կատարելիս ցուցաբերած նվիրումի համար Հայաստանի Հանրապետության գլխավոր դատախազության սահմանադրական կարգի հիմունքների, պետության և հասարակական անվտանգության դեմ ուղղված հանցագործությունների գործերով վարչության պետ, արդարադատության երկրորդ դասի խորհրդական Հայկ Արմենի Հովհաննիսյանը պարգևատրվել է Մխիթար Գոշի մեդալով»։

Նշենք, որ Հովհաննիսյանը Ռոբերտ Քոչարյանի, Սերժ Սարգսյանի, Բագրատ Սրբազանի գործով հանրային մեղադրողներից է։