«ԱՄՆ-ն պատրաստ է համագործակցել Չինաստանի հետ»․ Թրամփ

Միացյալ Նահանգները պատրաստ է համագործակցել Չինաստանի հետ՝ համաշխարհային խաղաղությունը պահպանելու համար։ Պեկինի և Վաշինգթոնի միջև հարաբերությունները կարևոր են և համագործակցությունը կարող է օգնել հասնելու բազմաթիվ նպատակների, այս մասին Չինաստանի նախագահ Սի Ցզինպինի հետ հեռախոսազրույցի ժամանակ ասել է ԱՄՆ նախագահ Դոնալդ Թրամփը։ Նա նշել է, որ արդյունավետ զրույց են ունեցել, որի ընթացքում «առաջընթաց են գրանցել» բազմաթիվ կարևոր հարցերի շուրջ։ «Ամերիկյան կողմը հույս ունի խթանել առևտրատնտեսական համագործակցությունը և կաջակցի բանակցողների երկկողմ խորհրդակցություններին՝ TikTok-ի հարցում բարենպաստ լուծման համար»,- նշել է նա։

Ավելի վաղ հայտնել էինք, որ Թրամփը մտադիր է հեռախոսազրույց ունենալ Չինաստանի իր պաշտոնակցի հետ և քննարկել չինական սոցիալական TikTok ցանցը ամերիկացի ներդրողներին վաճառելու հարցը։