«Էջմիածնում հոգևոր մեծ հավաքը հնարավոր է կայանա սեպտեմբերին կամ հոկտեմբերին»․ Նիկոլ Փաշինյան

Էջմիածնի հրապարակում նախապես հայտարարված «հոգևոր մեծ հավաքը» հնարավոր է կայանա սեպտեմբերին կամ հոկտեմբերին։ Այս մասին լրագրողների հետ զրույցում ասաց վարչապետ Նիկոլ Փաշինյանը՝ հավելելով․ «Ինձ համար ընդունելի չեն այն հարցադրումները, որոնք հիմնված են կանխավարկածի վրա, թե մենք ցանկանում ենք որևէ բան անել եկեղեցու դեմ։ Ես ասել եմ, որ ՀԱԵ-ն իմ սրբությունն է, իմ ընտանիքի սրբությունն է, իմ անձնական սրբությունն է, և ես իմ սրբության դեմ չեմ կարող որևէ բան անել։ Այսինքն, այն, ինչ պատրաստվում ենք անել, հանուն եկեղեցու է»։
Այս համատեքստում հնչած հարցերին ի պատասխան Նիկոլ Փաշինյանը հայտարարեց նաև, որ թեպետ Տեր Արամի գործունեությամբ հիանում է, բայց ամուսնացյալ քահանան չի կարող Կաթողիկոս լինել։ «Կտրիճ Ներսիսյանի հեռացումից հետո եկեղեցին ինքը՝ առանց քաղաքական միջամտության, պետք է որոշի իր դիրքորոշումը կուսակրոնության ինստիտուտի նկատմամբ։ Եթե իրենք որոշում են պահել, ուրեմն պետք է պահվի։ Կիսակուսակրոնություն չի լինում»,- ասաց նա՝ կրկնելով, որ չեն պատրաստվում բռնությամբ հեռացնել Վահափառին, քանի որ ընդդիմադիր լինելով հանդերձ կարողացել են առանց բռնության անգամ երկրի ղեկավարի հեռացնել։