«Դատարանը վախեր ունի․ կատարելու է այն, ինչ իրենից սպասում են». Երեմ Սարգսյան

«Դատարանի՝ մինչև այս պահը ցույց տված վարքագիծը վկայում է, որ կատարելու է այն, ինչ իրենից սպասում են, այսինքն՝ մեղադրական վերդիկտ»,- Միքայել Սրբազանի գործով դատական նիստից հետո, լրագրողների հետ զրույցում ասաց փաստաբան Երեմ Սարգսյանը:

Նա նշեց, որ մինչև վերջին կետը պայքարելու են հակառակի համար. «Դրա համար էլ ցույց ենք տալիս իրենց բոլոր ապօրինությունները, ակնհայտ խախտումները, մեղադրանքի ակնհայտ սին լինելը, որպեսզի գոնե հասկանան, որ չի կարելի այս պայմաններում ակնհայտ անարդար դատական ակտ կայացնել, որը համարվում է հանցագործություն․․․ Հույս ունենք, որ ողջախոհությունը կհաղթի վախերին, որովհետև իրենց մոտ ակնհայտ վախեր կան»,- հավելեց նա։

Ինչպես հայտնել էինք, Միքայել Աջապահյանի գործով այսօրվա դատական նիստը հետաձգվել է: Այն տեղի կունենա վաղը՝ ժամը 15:30-ին: