«Նախկինների «թալանը ետ բերելու» մուղամի տակ միլիարդավոր դրամներ եք լափում»․ Ոսկան Սարգսյան

Լրագրող Ոսկան Սարգսյանը ֆեյսբուքյան իր էջում գրում է․ «Հետաքրքիր չէ, թե ինչ գույնի են ձեր մազերը, թե՝ ճաղատ եք, բոյով եք, թե՝ կարճ, նորմալ դիմագծեր ունեք, թե՝ խոզի մռութ, զայրացնում է այն, որ «նախկինների թալանը ետ բերելու» մուղամի տակ միլիարդավոր դրամներ եք լափում պետբյուջեից, երբ Փանարջյանի անվան հիվանդանոցում քաղցկեղով հիվանդների անվճար բուժման, նրանց ճառագայթման համար պետական բյուջեում փող չկա,երբ շատ կենսաթոշակառուներ խղճուկ թոշակով չկարողանալով յոլա գնալ՝ քուջուջ են անում աղբանոցներում։ Սարի հետևում թուրքն անընդհատ զինվում է ու զորավարժություններ անցկացնում, դուք գեբելսյան քարոզչությամբ խաբում եք, հոպոպի փոշի եք լցնում Հայաստանի ժողովրդի գլխին, թե վերջ, արդեն խաղաղություն է, թուրքը խաղաղասեր ու հայասեր է դարձել, էլ առաջվա ցեղասպանը չէ»։