«ՀՀ քաղաքացիները կարող են երկրի ընդհանուր վիճակը բարելավել՝ երեխա ունենալով»․ Սուրեն Սահակյան

Հասարակական-քաղաքական գործիչ Սուրեն Սահակյանի ֆեյսբուքյան գրառումը․ «Քաղաքական որակական դրական փոփոխությունները բարդ են լինելու։ Դա ուղիղ կապի մեջ է քաղաքական մտածողության հետ, որը ոչ միայն «նորանկախ» Հայաստանում չի զարգանում, այլև մնացել է 19-րդ դարի վերջերի ու 20-րդ դարի առաջին կեսի շրջանակներում։ Առավել առաջադեմները Սառը պատերազմի շրջանում են լռվել, մնացել։ Բայց մի բան կա, որ վերարտադրողականության շրջանում գտնվող ՀՀ քաղաքացիները կարող են անել՝ բարելավելու Հայաստանի ընդհանուր վիճակն ու վիճակագրությունը՝ երեխա ունենալ։ Եթե բնակչության մեջ երիտասարդների տեսակարար կշիռը ամենամեծը լինի, մենք դեռ էս հարյուրամյակը ձգելու շանս կունենանք։ Իհարկե, դա էլ է տնտեսության ու քաղաքականության հետ ուղիղ կապված, բայց բարդ ժամանակները նաև լրացուցիչ ջանքեր են ենթադրում։ Այլ ժամանակներում կարելի էր ծաղրել կամ քննադատել էս կոչը, բայց… պետք է։ Համատեղի՛ր հաճելին օգտակարի հետ, դա միայն քեզնից է կախված, ոչ թե զանազան հովիկաղազարյաններից ու դրա կատարելագործված տեսակներից»։